Алијанса за Албанците го нарече Максим Димитриевски „патриот на батерии од Кина“

Алијансата за Албанците преку соопштение оценува дека градоначалникот на Куманово, Максим Димитриевски, би можел да ја напушти Владата поради очекувањата за одржување предвремени парламентарни избори. Според партијата, прашањето за правосудниот испит му е потребно за да го искористи во предизборната кампања и да се претстави како „голем патриот“.

— реклама —

Од Алијансата за Албанците упатија и иронични критики, нарекувајќи го Димитриевски „патриот на батерии од Кина“.

— реклама —

Во партиското соопштение се поставуваат прашања кои други теми би можел да ги понуди Димитриевски во кампањата, посочувајќи ги враќањето на името на државата, бесплатниот јавен превоз и реконструкцијата на градскиот плоштад.

— реклама —

Според АА, Димитриевски ги потрошил останатите политички адути и сега се обидува да го подобри рејтингот за еден процент преку отворање на прашањето за правосудниот испит.

— реклама —

„Прочитана карта!“, порачуваат од Алијансата за Албанците.