Алкохолизирано возење попладнево заврши со сообраќајна несреќа и кривична пријава во Скопје

Возач од Скопје е лишен од слобода откако под дејство на алкохол предизвикал сообраќајна несреќа во која биле повредени две лица, информира Министерството за внатрешни работи.

— реклама —

Како што соопшти МВР, денеска (01.02.2026) полициски службеници од СВР Скопје го привеле М.М. (50) од Скопје. Околу 16:15 часот во СВР Скопје било пријавено дека на булеварот „Гоце Делчев“ се случила сообраќајна несреќа во која учествувале три патнички возила – „сеат ибица“, управувано од М.М., „тојота“, управувана од А.Г. (25), и „мерцедес“, управуван од М.В. (32), сите со скопски регистарски ознаки.

— реклама —

Во несреќата со телесни повреди се здобиле возачот А.Г. и сопатничката Л.Г.

— реклама —

По преземените мерки и извршеното алкотестирање, било утврдено дека М.М. го управувал возилото под дејство на алкохол, при што му биле измерени 2,32 промили алкохол во крвта.

— реклама —

За настанот бил известен јавен обвинител, а по целосно документирање на случајот против М.М. ќе биде поднесена кривична пријава по член 297-а од Кривичниот законик – „безобѕирно управување со моторно возило“.