АЛТА банка од денес овозможува плаќања преку електронско и мобилно банкарство

АЛТА банка од денес, 10 ноември, повторно овозможува извршување плаќања преку електронското и мобилното банкарство, во рамките на утврдените лимити за клиентите.

— реклама —

За клиентите кои поседуваат платежни картички, неделниот лимит изнесува 15.000 денари, додека за оние кои немаат картички е утврден лимит од 20.000 денари за период од две недели. Лимитите се однесуваат збирно на сите сметки и начини на користење на средствата, вклучувајќи плаќања со картички, подигање готовина од банкомати и на шалтер, како и плаќања преку електронско и мобилно банкарство.

— реклама —

— реклама —

Од утре, 11 ноември, со работа започнува и експозитурата во Скопје, лоцирана во ТЦ „Бисер“, на булеварот „Јане Сандански“ бр. 1/1. Експозитурите во Битола, Струмица и Тетово продолжуваат да работат и да ги обезбедуваат досега достапните банкарски услуги.

— реклама —

Од банката најавуваат дека клиентите навремено ќе бидат информирани за сите дополнителни промени и проширувањето на услугите.