Амбасадорот на Австрија во посета на Охрид

„Денеска имав чест да разговарам со амбасадорот на Австрија во Република Македонија, Мартин Памер, кој беше во прва официјална посета на Општина Охрид.

— реклама —

Една од главните теми на нашата средба беше можноста за воспоставување на соработка помеѓу Охрид и градови од Австрија, како и за зголемување на соработката во областа на туризмот. Разговаравме и за прашања поврзани со урбанистичкото планирање на градот, исполнување на препораките од УНЕСКО, можностите за странски инвестиции и богатото културно наследство во Охридскиот регион.

— реклама —

— реклама —

Го запознав амбасадорот со приоритетните инфраструктурни проекти на кои работи општината, како и мерките кои се преземаат за воспоставување на финансиска стабилност на општинскиот буџет“, напиша Кирил Пецаков - Градоначалник на Општина Охрид.