Градоначалникот на Општина Ѓорче Петров, Александар Стојкоски, одржа средба со претставници на Американската амбасада, на која беше иницирана воспоставување на ново Американско катче во Домот на културата.
Целта на оваа иницијатива е создавање современ едукативен и културен простор кој ќе биде достапен за младите од општината.
Американското катче ќе овозможи пристап до едукативни ресурси, програми и настани поврзани со образованието, културата и вредностите на САД.
Преку работилници, обуки и интерактивни активности, младите ќе имаат можност да ги унапредат своите знаења, да развиваат критичко размислување и да се поврзат со глобални трендови.
Новиот ресурсен центар е замислен како хаб кој ќе поттикнува развој на вештини во областа на претприемништвото, дигиталните технологии и иновациите, со цел создавање услови за личен и професионален развој на младите од општината.
Со оваа иницијатива, Општина Ѓорче Петров ја потврдува својата посветеност кон младите, образованието и создавањето нови можности за нивен развој.
