(Видео) Американските пратеници пристигнаа во Москва, Путин ќе ги прими

Специјалните пратеници на американскиот претседател, Стив Виткоф и Џаред Кушнер, утрово пристигнале на московскиот аеродром „Внуково“, каде што ги пречекал Кирил Дмитриев, специјален пратеник на рускиот претседател, објави руската новинска агенција ТАСС.

— реклама —

По пречекот, колоната возила со американските претставници го напуштила аеродромот.

— реклама —

Виткоф и Кушнер денеска треба да се сретнат со рускиот претседател Владимир Путин и да го информираат за дводневните разговори што се одржаа во Абу Даби. Рускиот министер за надворешни работи, Сергеј Лавров, вчера изјави дека по средбата Путин ќе одлучи за следните чекори на руската страна.

Кушнер најавил дека по посетата на Москва, заедно со Виткоф ќе отпатува во Даблин, каде што треба да се сретнат со украинскиот претседател Володимир Зеленски.

— реклама —

Преговорите меѓу делегациите на Русија, САД и Украина завршија вчера во Абу Даби. Разговорите се одвивале зад затворени врати, без присуство на медиумите.

— реклама —