Ана Стојаноска утре ја претставува Македонија на Јуниорскиот евросонг, гласањето започнува вечерва

По еднонеделни интензивни проби во Малта, Ана Стојаноска е подготвена да ја претставува Македонија на 24. издание на Јуниорскиот евросонг.

— реклама —

Онлајн-гласањето за фестивалот започнува вечерва, во петок, во 23:59 часот и ќе трае до утре, сабота, до 20:59 часот. Македонските граѓани можат бесплатно да гласаат за нашата претставничка преку официјалната страница vote.eurovision.com.

— реклама —

Изведбите ќе ги оценуваат 16 жирија, составени од по пет члена од различни европски земји. Нивните оценки ќе учествуваат со 50 отсто во конечниот резултат, додека преостанатите 50 отсто ќе ги одредат гласовите од публиката.

— реклама —

Ана Стојаноска ќе настапи со песната „Идната јас“, со која ќе се обиде да оствари добар резултат на музичкиот фестивал.

Преносот во живо на Јуниорскиот евросонг ќе може да се следи на Националниот сервис утре, во сабота, со почеток во 21 часот.