Ексминистерот Спиро Ристовски кој е еден од осомничените за организацијата на упадот во Собранието на 27. април, побара да се брани од слобода или барем мерката притвор која три месеци ја издржува во затворот Шутка, да му се замени со куќен притвор.
“Немам намера да бегам ја сум семеен човек со деца што учат овде. Немам резервна варијанта. Моето целосно функционирање е поврзано со Македонија. А во однос на тоа дека би влијаел на сведоци известен сум дека истрагата е завршена. Ниту сум помислил да влијаам на некого затоа што сум уверен дека ќе ја докажам мојата невиност”, изјави поранешниот министер од Владата на Груевски, пренесе Телма.
Одлуката на Апелација по барањето на Ристовски ќе се знае деновиве.
