Актуелно

(ВИДЕО) По “шамарите”, Антониа и Мартија проговорија јавно

Пејачките Мартија Станојковиќ и Антониа Гиговска неодамна се појавија на настан во Белград. Српскиот портал Блиц веднаш објави текст со наслов „Модна катастрофа на месецот, пејачките позираа како да се во Холивуд: На едната и испаднаа градите, на другата и излегоа прстите од сандалите“.

„Мартија облекла смела, зелена облека која ги истакнувала нејзините гради, додека Антониа во преден план ги ставила нозете и стомакот, а тие самоуверено позирале како холивудските ѕвезди. Премногу длабокото деколте и прстите кои малку по малку паѓаат од сандалите беа доволни за тие две да дојдат во центарот на вниманието“, стои во текстот на српскиот портал.

Антониа и Мартија вчера гостуваа во емисијата на Стефан Лазаров, во која тие ја искоментираа објавената вест.

„Бевме на промоција на парфем во Белград. Ние сме за во Холивуд. Така и изгледаме. Немаат што да напишат, затоа што стварно убаво изгледаме. И не ми се излезени градите, туку имам само длабоко деколте. Буквално не се гледа ништо, не знам зошто пишуваат. Погледни ги сите србинки, како се облекуваат и како се сликаат, а сега за нас некој да пишува“, вели Мартија.

„Покажи ја сликата. Дали има нешто превулгарно или нешто за да се искоментира? За сандалите нормално е, ако одиш… Ама и да се гледа нешто, зошто во цел свет носат длабоки деколттиња, може да се гледа се, не знам на некоја града и искочила несакајќи. Зошто може Дуа Липа или Рита Ора, а зошто ние не можеме? Зошто сме толку ограничени? Зошто не излеземе од таа комфорт зона?“, изјави Гиговска.

 

На почеток