Колку што одговараше виновникот за мазутот, толку ќе одговараат и за модуларните болници, вели Јованов
Колку што одговараше виновникот за мазутот, толку ќе одговараат и за модуларните болници, вели професорката Тамара Јованов.
„Испитан им е рецептот:
Со хиперстимулација со проблеми, се оптеретува нервниот систем и за најголемиот дел од луѓето, освен ако не е личен, секој проблем се сведува на “чудо за три дена”.
Медиуми – поткупени.
Гласачи – обезбедени преку вработувања во јавни институции.
Институции – окупирани со свои криминалци.
Судство – одамна е решено со тефтер систем.
“Интелектуалци” – или на платен список или комфорно отапени.
Мнозинство – зафатено со преживување, до степен на изнемоштеност и дијагноза на научена беспомошност.
Сакаме правда?!
Сакаме промени?!
Кој да ни ги даде, ако не станеме самите?
Кој да ни ги даде, ако не се приклучиме на борбата?
Ќе ги решите на улица?!
Гарантирам дека тука се одземани сите услови за победа на власт преку улица!
Како поинаку?
Еднаш засекогаш треба да сфати народот, дека во денешен контекст на владеење, власт се добива и одзема, само преку влез во институциите.
Романтичарите кои би чекале подобри времиња за гласање, нема никогаш да ги дочекаат.
Слепите кои не ги занима политика, никогаш нема ни да прогледаат.
Оние кои можат да разберат – дојден е моментот на сега или никогаш!
Влез во институции, другари!
Се’ друго е изгубена битка, без оглед колку луѓе ќе изгорат и колку силно ќе лелекаме“, вели Јованов.
