Ексминистерот за финансии и аналитичар, Џевдет Хајредини, коментираше неколку изјави на вицепремиерот Бојан Маричиќ. Хајредини порача: „Со сите пратеници, Маричиќ може да разговара само според талатовата "политичка проценка", зашто дебатата за уставните амандмани, согласно деловникот на Собранието, завршила“.
За изјавата на Маричиќ кој кажа „Ќе направиме сè до крајниот рок да бидат донесени уставните измени“, Хајредини искоментира: „Не ти се чини дека со оваа изјава, која, како папагал, скоро две години секој ден ја повторуваш, си станал досаден? Кажи еднаш да знаеме што е тоа "сè" што ти ќе сториш“.
За Хајредини спорна е и најавата на Маричиќ дека тој и власта ќе разговараат со секој пратеник за да поминат уставните измени.
„Кој си ти да разговараш со секој пратеник? Разговорот заврши во Собранието, остана уште да се гласа. Што ако никој не сака да разговара со тебе? Во нормална државата така се „разговара“? Дали ќе се разговара јавно или тајно? Што за возврат ќе им нудите?“, праша Хајредини.
