Вчера, во 17.10 часот, во Велес, од полициски службеници од СВР Велес е лишен од слобода 41-годишниот А. К. од село Горно Оризари, Велешко. Тој се сомничи дека во периодот 16/17.9.2023 од гаража во Велес одзел патничко моторно возило „ситроен ц3“, со велешки регистарски ознаки, сопственост на А. Д. (60) од Велес и електричен алат, извести МВР.
„Покрај ова, пред продавница во Велес, тој, лажно претставувајќи се како полициски службеник, од К. П. (50) од Велес одзел мобилен телефон и паричник со лични документи, банкарски картички и клучеви од неговиот дом, а потоа влегол во неговиот дом во Велес и извршил пребарување, но не одзел ништо, а од пред куќа во Велес одзел мотоцикл ‘лонгија’, без регистарски ознаки, сопственост на Р. К. (45), кој подоцна е пронајден во близина на угостителски објект во Велес“, соопшти МВР.
По издадена судска наредба од Основниот суд Велес, полициски службеници извршиле претрес во домот на А. К., при што била пронајдена банкарска картичка на име К. П. и други предмети што потекнуваат од кривичните дела и ќе бидат вратени на сопствениците. По целосно документирање на случајот, ќе биде поднесен соодветен поднесок.
Макфакс
![](https://skopje1.mk/wp-content/uploads/2022/01/2222.png)