Пријател на Груевски сведочи: Сопствената слобода ја ризикував, од мене бараше средби со власта за Кривичниот законик
Активистот на ВМРО-ДПМНЕ, Александар Трајковски, кој по бегството го посети Никола Груевски во Будимпешта, за првпат открива детали околу нивната средба. Тој открива дека експремиерот го терал да остварува средби со претставници на власта за измените на Кривичниот законик.
„Го гледам вклучувањето на мојот пријател, поранешниот претседател на ВМРО-ДПМНЕ Никола Груевски во Инфомакс. Многу жалам што она што го напишав во отвореното писмо пред некој ден ми се потврди, дури сега сум повеќе загрижен и од тогаш. Почитуван Никола, дали тоа што го кажуваш во емисијата можеш да ми го кажеш и на мене, гледајќи ме во очи? Дали Никола можеш да негираш дека од мене бараше да направам средби со преставници од власта на кој ќе зборуваме за измени на Кривичниот законик? Жално Никола, жално. Ти верував толку години, сопствената слобода многупати ја ризикував верувајќи дека помагам на човек кој се мачи за Македонија, ама од ден за ден моето разочарување е се поголемо. Што ли уште ќе слушнам од тебе Никола? Што ли уште ќе ме изненади? Очигледно длабоко си влезен во играта и не можеш да излезеш. До кое дереџе падна пријателе мој. Од голем водач на македонскиот народ, стана инструмент во рацете на власта..“, напиша Трајковски.
Александар Трајковски во Будимпешта беше фотографиран со избеганиот осуден премиер Никола Груевски, тврдеше дека бил во Унгарија на специјалистички преглед за синусите и дишните патишта.
