Полициски службеници на СВР Тетово, ноќеска, околу 3.10 часот, на наплатната станица кај Тетово ги лишиле од слобода 38-годишниот Р. К. од Скопје и 18-годишниот О. А. од Кочани, кои претходно во Гостивар извршиле тешка кражба на патничко возило „опел астра“, со гостиварски регистарски ознаки, сопственост на 43-годишниот И. И. од гостиварски Градец, извести МВР.
Возилото било паркирано на улицата Кеј Братство-единство, со клучевите во бравата, додаваат од МВР.
Двајцата се задржани во Полициската станица Гостивар за расчистување и документирање на случајот по што ќе им бидат изготвени поднесоци, а возилото денеска ќе му биде вратено на неговиот сопственик.
