Не е спорно што лидерот на ДУИ, Али Ахмети, ги користи канцелариите на Министерството за политички систем и односи меѓу заедниците за состаноци и средби. Ова го смета премиерот Димитар Ковачевски, додавајќи дека се е во ред бидејќи во просториите бил и домаќинот Артан Груби.
„Гледајте прво на таа средба присуствува и вицепремиерот. И на него е кој ќе повика на состанок во кабиентот. Кога имам јас состаноци тогаш доаѓаат гости коишто одржуваат состаноци, меѓутоа јас сум присутен во кабинетот, исто како што тој е присутен во својот кабинет. Сметам дека не е злоупотреба доколку луѓе користат канцеларија со домаќинот за состаноци“, изјави Ковачевски.
Ахмети на својот „Фејсбук“ профил објави фотографии од средбата со Ричард Гренел, која се одржала во Кабинетот на Груби. Ова не е првпат. За потсетување, во минатото, цели партиски состаноци и славења се одржуваа во простории на министерството.
