Детали за двојното убиство: имотни односи причина за пукањето
Нерасчистени семејни односи се можната причина за убиството кое денеска ја потресе Македонија. Ова го посочи министерот за внатрешни работи, Оливер Спасовски. Тој кажа дека екипи на МВР се на терен.
„Во моментов колегите работата на расчистувањето на овој настан. Станува збор за некакви нерасчистени имотни односи во едно семејство. Тоа се првичните сознанија кои што ни ги пратија колегите од терен. Очекуваме дека наскоро ќе се заокружи целиот тој процес и ќе имаме детални информации во однос на настанот“, рече министерот за внатрешни работи, Спасовски.
Од СВР Тетово информациите се дека полициски службеници денеска го лишиле од слобода лицето И.И., на возраст од околу 60-ина години, за кого во 14:10 часот било пријавено дека со огнено оружје усмртил двајца свои соселани и роднини и повредил едно лице.
