Полицијата ја добило пријавата од нападнатите вработени во контролата за летање на скопскиот аеродром. Оттаму посочуваат дека постапуваат по истата.
„Денеска (04.01.2024) околу 15.15 часот во ПО Петровец лице вработено во МНАВ пријавило дека во објектот имало нарушување на јавниот ред и мир односно дека Б.Н. (лице вработено во институцијата) заедно со уште неколку непознати лица физички ги нападнале П.Б., Е.К. и Б.Р. (лица вработени во институцијата). Веднаш по добиената пријава, полициски службеници од СВР Скопје се упатени кон местото на настанот и се преземаат мерки за расчистување на случајот“, велат од МВР за „Скопје1“.
Случајот јавно го обелодени претседателот на Синдикатот на контроли на летање, Александар Тасевски. Тој кажа дека по прес-конференцијата на која беше соопштено дека 20 до 30 оставки ќе бидат поднесени од вработени во М-НАВ поради спорни вработувања на наместени конкурси, непознати лица влегле во М-НАВ, без да бидат застанти од обезбедувањето. Тие упаднале, прво вербално, па и физички се пресметале со дел од вработените.
„Возилата влегле без да бидат спречени од страна на обезбедувањето кое е од надворешна фирма на која според наши сознанија и е истечен договорот од пред извесно време а немаме информација дали им е продолжен повторно. Од друга страна не реагирало ни обезбедувањето на М-НАВ кое се наоѓа во самиот објект“, напиша Тасевски.
Нападнати вработени од контролата за летање на скопскиот аеродром, Тасевски тврди дека напаѓачите влегле слободно без да бидат спречени од обезбедувањето
Претседателот на Синдикатот на контроли на летање, Александар Тасевски, соопштува дека во објектот за контрола на летање, влегле лица и нападнале вработени. Случајот е пријавен во полиција, а доаѓа откако денеска, беше најавено дека 20 до 30 вработени ќе депонираат оставки, поради вработувањата кои може да предизвикаат проблеми во авиосообраќајот.„Пред околу 30 минути во објектот на контрола на летање дошле неколку возила од кое излегле неколку лица кои влегле во објектот на контрола на летање и предизвикале караница и нападнале вработени во контролата на летање, мои колеги. Случајот е пријавен во полициска станица Петровец, запознати се и министерот транспорт и врски и министерот за Внатрешни работи“, напиша Тасевски.Дој додава дека: „Возилата влегле без да бидат спречени од страна на обезбедувањето кое е од надворешна фирма на која според наши сознанија и е истечен договорот од пред извесно време а немаме информација дали им е продолжен повторно. Од друга страна не реагирало ни обезбедувањето на М-НАВ кое се наоѓа во самиот објект“.Според него, ова е акт на насилство.„Овој акт на насилство не само што претставува закана за секој еден професионалец во контролата на летање туку и за безбедноста во авијацијата кога секој еден може од надвор да влезе во објектот и да нападне вработени кои во тој момент извршуваат работни обврски“, посочува Тасевски.Претходно:
Македонија | пред 2 години
