До септември да се пролонгира рокот за вадење нови документи
Претседателот Стево Пендаровски, во интерес на заштита на граѓаните предлага да запре хаосот со вадење нови лични документи поради промената на уставното име на државата, и рокот за нивно вадење да се пролонгира за септември-октомври.
„Прво, тоа е срамно понижување на македонските граѓани. И непотребно. Второ, ова го предложив на најмалку двајца министри во македонската влада – со брза интервенција во два закони – закон за лична карта и закон за патни исправи, и ако е потребно и законот за безбедност во патниот сообраќај, тоа се прави во едно попладне, знаеме дека може да се направи во едно попладне, не мора со европско знаменце да биде. Ќе ги измениме тие два закони, ќе го пролонгираме рокот, наместо февруари да биде септември-октомври, претходно ќе ги известиме и Грците дека немаме намера да бегаме од обврските од Преспанскиот договор“, рече претседателот Пендаровски.
