За дванаесет години, таткото кој си ја уби ќерката во Кичево, имал 50 кривични пријави и едвај една година затвор. Ова го покажува неговата кривична историја во МВР. Во ниту една пријава нема семејно насилство, но Центарот за социјални работи алармирал дека минатата година, мајката на убиеното девојче заминала од домот по расправија со таткото. Семејството има седум деца, убиеното е најмалото.
„Во периодот од 2011 до 2023 година, ОВР Кичево има поднесено околу 50 кривични пријави за сторени кривични дела кражба и тешка кражба.Во 2013 година со судски пресуди, Ф.Д. во два случаи бил осуден на затворска казна во траење од 6 месеци и 1 затворска казна во траење од 3 месеци. До овој момент во ОВР Кичево не е пријавен друг настан за семејно насилство сторен претходно од него“, велат од СВР Охрид.
Од Центарот за социјални работи се децидни дека никогаш не нотирале насилничко однесување кај родителите.
“Семејно насилство не е пријавувано,но на 21.07.2022 година ЦСР е известен од полицијата дека настанало недоразбирање и расправија помеѓу Ф.Д. и неговата сопруга на ден 26.06.2022 година по која расправија таа го напуштила домот и заминала во Прилеп заедно со децата.После еден месец таа се вратила дома заедно со децата и изјавила дека ги надминале недоразбирањата и продолжиле заедно да живеат.Од тој период до сега не се пријавени никакви проблеми од страна на ова семејство” велат од Центарот за социјални работи Кичево“, велат од ЦСР.
Таткото и ги скршил черепот и ребрата на ќерката, девојчето имало и крварење на мозокот
Основното јавно обвинителство Кичево донесе Наредба за спрoведување истражна постапка против едно лице за кривично дело – Убиство предвидено во член 123 став 2 точка 2 во врска со став 1 од Кривичниот законик.„Осомничениот 29-годишник, на 18 декември, при вршење семејно насилство, ја лишил од живот сопствената ќерка родена 2022 година. Тој и нанел повеќе удари со раце и нозе, предизвикувајќи и тешки телесни повреди – скршена коска на черепот, крварење во мозокот и скршеници на две ребра. Од здобиените повреди детето починало на 8 јануари, во Клиничкиот центар „Мајка Тереза“ во Скопје“, велат од ОбвинителствоЈавниот обвинител до судијата на пртетходна постапка достави предлог за определување мерка притвор за осомниченото лице.
Македонија | пред 2 години
