Нема дефинитивна одлука од СДСМ дека на изборите нема да коалицира со ДУИ, кажа Димитар Ковачевски, претседател на СДСМ. Тој посочи дека нема да ги коментира барањата на ДУИ, претседател да се бира во Собрание. СДСМ досега нема разговарано за ова прашање.
„Сите ќе ветуваат, дел ќе предлагаат предлози кои не зависат само од нив, не би ги коментирал. Во наредните 80 дена или нешто помалку ќе слушнеме многу предлози, кои на 8 мај ќе кажат граѓаните кои се предлозите кои ги сакаат“, посочи Ковачевски.
Во однос на коалицирањето, СДСМ ќе предводи коалиција која ќе ја сочинуваат политички партии со исти вредности: „Зачленување во ЕУ, исполнување на обврските во НАТО и градење стандарди како во ЕУ“. Ковачевски ги покани партиите кои градат исти вредности.
