Пуштен системот: Проверете до каде е издавањето на вашиот пасош
Министерот за внатрешни работи, Панче Тошковски, се огласи на социјалните медиуми околу системот за проверка на статусот на издадените пасоши:
„Денес го ставивме во функција, она што го најавивме претходно, а се однесува на можноста граѓаните на Град Скопје кои се фотографирале во редовна постапка на пунктовите “Пролет“ и “МТВ“ да го проверат статусот на нивниот пасош, односно дали истиот е во процес на изработка или е изработен и може да се подигне.
Со оваа функција значително ќе се придонесе кон намалување на гужвите кои се создаваа бидејќи граѓаните беа приморани да чекаат и по неколку часа само за да се информираат дали нивниот пасош е изготвен.
Исто така, во тек е надградување на овој систем со цел да се овозможи ваквата проверка да биде достапна и за останатите пунктови, како и за статусот на личните карти.
Проверката може да се направи на следниот линк:
https://termin.mvr.gov.mk/document_status“
