Министерството за внатрешни работи на Руската Федерација денеска соопшти дека сите приведени во случајот со смртоносниот напад во салата Крокус се странци, без да ја прецизира нивната националност.
Од видеото од дел од сослушувањето се знае како изгледаат тројца од четворицата напаѓачи, а познати се и четири имиња - Фаридун Шамсудин, Абдуло, Мухамед (презимињата не се наведени) и Раџаб Ализадех, пренесува РИА Новости.
Сите уапсени на објавеното видео зборуваат руски исклучително лошо (или се преправаат дека зборуваат лошо), а еден од нив комуницира со оперативците преку преведувач на таџикистански, наведува руската агенција.
