Трајановски: Ако јас бев градоначалник, во 2021 ќе имавме нова Универзална сала
„Сите кои ја знаат Универзалната сала, сме погодени она што денес, за жал, и се случи. Таа е симболот на културата во Скопје. 2016 имаше проект за нова сала во форма на јајце, но имаше многу реакции. За вториот проект, со кој се задржа изгледот и кој имаше и подземно паркирање, повторно имаше негодување”, рече поранешниот градоначалник на Скопје, Коце Трајановски во вонредниот Претрес со Кристијан Ландов.
„Со овој проект, рече Трајановски, отидов во 2017 кај тогашниот министер за култура Роберт Алаѓозовски на кого му реков дека ќе биде запаметен.
Ништо не бидна од ова.
Шилегов вети дека ќе му биде ова прв проект, но тој нарача нов проект без паркирање. Ова е капитален проект и треба да биде финансиран од Владата. Ако бев градоначалник до 2021 ќе ја отворевме новата Универзална сала”, рече Трајановски.
