(Видео) Шумски пожар од големи размери во Канада, најавена е масовна евакуација
Поради шумски пожар во близина на градот Форт Мекмареј во северниот дел на канадската провинција Алберта, најавена е евакуација на повеќе од 6.000 локални жители.
Пожарот веќе уништи речиси 21 илјада хектари и моментално е на оддалеченост од помалку од 10 километри од периферијата на градот. Сувото време и силниот ветер придонесуваат за ширење на пожарот во правец на населбата, јавува канадскиот јавен сервис CBC News.
Регионалната општина Вуд Бафало во вторникот попладне прогласи вонредна состојба и издаде наредба за евакуација.
Во сила е наредбата за евакуација за населбите Бикон Хил, Абасанд, Прери Крик и Грејлинг Тераса.
Голем шумски пожар во 2016 година предизвика значителна штета и предизвика евакуација на сите 66.000 жители на тој град.
Сепак, според пожарникарите, природата на сегашниот шумски пожар е поинаква, бидејќи уништената шума се уште не е закрепната. Ова значително го забавува ширењето на пожарот и им ја олеснува работата на пожарникарите.
Во гаснењето на пожарот биле вклучени 14 хеликоптери и 70 пожарникари.
Во Алберта моментално горат околу 50 шумски пожари, но само два се во близина на населени места.
— outhere (@rugcarpetz) May 14, 2024
A forest fire forced several thousand residents of western Canada to leave their homes, a total of 6,000 were ordered to evacuate.
More than 11 thousand hectares are covered by the fire. Photos and videos of the fire are shared on social networks. pic.twitter.com/gb0DzjBWkt
— Leandro 🇷🇺 (@leandro_ptbr) May 15, 2024
