Столтенберг: Русија не претставува воена закана за Алијансата
Генералниот секретар на НАТО Јенс Столтенберг и претседателот на Финска, Александар Стуб денеска им соопштија на сојузниците од Алијансата дека Русија во моментов не претставува воена закана за Атлантскиот блок.
Сепак, за време на заедничката конференција во Хелсинки, двајцата предупредија дека земјите од НАТО мора да ја зајакнат Украина и нивните воени сили за да ја одвратат евентуалната идна агресија од Москва, објави Њусвик.
Столтенберг рече дека на Украина ѝ е потребна „предвидливост и одговорност“ во воената поддршка на НАТО за да се обиде да одбрани, како што вели, летна руска офанзива додека Западот се обидува да постигне консензус за мировниот план на украинскиот претседател Володимир Зеленски.
„Во текот на последните месеци забележавме некои пропусти, некои одложувања во обезбедувањето воена поддршка за Украина“, додаде шефот на НАТО.
Столтенберг, исто така, додаде дека западните сојузници треба да се погрижат одложувањето на воената поддршка за Украина да не се повтори.
„На Украина и треба предвидливост и одговорност од сојузниците во НАТО во однос на воената поддршка“, рече Столтенберг за време на посетата на Финска на прес-конференција со финскиот претседател Александар Стуб.
Тој додаде дека во последните месеци има одложувања во обезбедувањето воена поддршка за Украина и дека тоа не смее да се повтори. Германскиот канцелар Олаф Шолц претходно денеска повтори дека Украина може да го користи оружјето што ѝ го испрати Западот за да се одбрани од нападите започнати од самата Русија, како оние на регионот Харков.
Коментарите на функционерот уследија откако рускиот претседател Владимир Путин во средата предупреди дека дозволувањето на Украина да ја нападне руската територија со сè помоќно оружје ќе претставува сериозна ескалација што ќе го доближи Западот до војна со Русија.
