Олимписките игри официјално ќе бидат отворени во петок, на 26 јули, а кај тамошната публика особено е заинтересиран тенискиот турнир и еден од најдобрите тенисери на сите времиња, Новак Ѓоковиќ.
Српскиот ас на ждрепката дозна дека во второто коло ќе игра против Рафаел Надал, еден од најголемите ривали во кариерата.
Надал во живо ја следеше ждрепката во Париз, а на социјалните мрежи се појавија фотографии од неговата реакција за која велат дека е емотивна.
"Многу е посебно да се биде овде. Ова е најубавото место во мојата кариера. Се обидувам да уживам во моментот", изјави Надал по ждрепката.
