Љубица Јанчева, советничка од СДСМ во град Скопје вели дека администрацијата во градот е одлична, но уплашена и сега е испразнета и нема многу од раководителите.
„Те молам Љубица разбери ме, не прашувај“, вака ми одговараат вработените кога ќе ги прашам нешто за функционирањето, вели Јанчева.
Штетите по тужбите кои се многуќе бидат од буџетот на Град Скопје.
Јанчева посочи дека нема комуникација меѓу градоначалничката и Советот.
„Менаџер ни го води градот, неа прашајте ја зошто е ваква состојбата. ВМРО-ДПМНЕ ја пишуваше програмата на Данела Арсовска. Ние бараме одговори, но Арсовска не доаѓа на седниците за поставување советнички прашања“, рече Јанчева.
Ја поттикна Владата да помогне во набавката на нови 250 автобуси. Ја повика ВМРО-ДПМНЕ да им се извини на скопјани бидејќи ова нема да се реализира, а е ветено во програмата „За модерно Скопје“ на Данела Арсовска.
Спас од состојбата вели нема, нема законска можност, и да се распушти Советот, градоначалникот останува ист.
„Данела ме нарече уличарка од говорница. Домашното воспитување или го имаш или го немаш“, рече Јанчева.
