Погледнете што почна Русија масовно да произведува, токму во моментот кога се закануваат со нуклеарна ескалација
Русија започна масовно производство на мобилни засолништа кои можат да заштитат од различни закани, кои наводно вклучуваат радијација од нуклеарна експлозија, пишува Ројтерс.
Засолништето „КУБ-М“ може да понуди 48-часовна заштита од различни природни опасности, како и од вештачки опасности.
Тие вклучуваат експлозии и шрапнели од конвенционално оружје; паѓање на остатоци од згради, опасни хемикалии и пожари.
Стандардно засолниште од овој тип може да прими 54 лица, а по потреба може да се надгради.
„Мобилното засолниште е повеќенаменска структура која обезбедува заштита на луѓето од различни закани, вклучително и природни катастрофи и несреќи предизвикани од човекот“, соопштија од истражувачки институт на руското Министерство за вонредни ситуации, нарекувајќи го „важен чекор кон подобрување на безбедноста на граѓаните“.
Руското министерство официјално не го поврзува производството на мобилни засолништа со каква било актуелна криза, но очигледно е дека најавата дојде неколку дена откако администрацијата на американскиот претседател Џо Бајден се согласи да и дозволи на Украина да истрела американски ракети со долг дострел длабоко во Русија.
Кремљ оваа одлука ја нарекува непромислена и тврди дека решително ќе одговори.
🚨 RUSSIA STARTS BUILDING NUCLEAR-RESISTANT SHELTERS
Russia has started mass-producing KUB-M mobile bomb shelters, designed to protect against nuclear shockwaves, radiation, and conventional threats for up to 48 hours.
These shelters, which house 54 people and resemble… pic.twitter.com/siFfrOKwDZ
— Mario Nawfal (@MarioNawfal) November 19, 2024
