(Видео) Ќе се утврдува дали има одговорност кај полицаецот кој симнал албанско знаме во Кичево
Министерот за внатрешни работи, Панче Тошковски кажа дека ја видел снимката каде полицаец симнува албанското знаме од бандера. Тој посочи дека во моментот на снимањето, полицаецот вршел службени работни задачи, односно бил на работа. Според министерот, ќе има одговорност доколку тоа биде утврдено.
„За предметните дејствија има службена белешка од службеното лице кое е качено на возилото и другото службено лице. Ќе види јавноста како е постапено по предметното дејствие“, рече Тошковски.
Претходно посочи дека веќе има одговорност за одредено лице кое симнувало знамиња од јарбол.
„Затворен е настан, во рамки на територија на ОВР Кичево, каде што, едно лице, согласно информациите кои ги добив, симнува македонско и албанско знаме од јарбол. По насока на јавен обвинител ќе има соодветни дејстивја“, додаде Тошковски.
