Висок руски политичар се закани со остар одговор во случај на напад врз руски бази во Сирија, објави новинската агенција Интерфакс. Според истиот извор, безбедноста на базите е целосно обезбедена.
Москва, која е верен сојузник на режимот на Асад, ја одржува стратешки важната воздухопловна база Хмејмим во провинцијата Латакија и поморскиот објект во Тартус.
Руските медиуми јавуваат дека Кремљ постигнал договор со лидерите на сириските бунтовници за гарантирање на безбедноста на своите бази.
Во исто време, руски воен блогер близок до Министерството за одбрана, познат како Рибар, напиша: „Руското воено присуство во регионот на Блискиот Исток виси на конец. Одлуките донесени во канцелариите се апсолутно ирелевантни на теренот“.
Рајбар изјави и дека руските воени бродови го напуштиле Тартус и зазеле позиции на отворено море од безбедносни причини. Според него, воздухопловната база Хмејмим практично била отсечена откако бунтовниците ја презеле контролата врз блискиот град.
Неговите тврдења, објавени на профил со повеќе од 1,3 милиони следбеници на Telegram, не се независно потврдени, пренесува Sky News.
