Свет

(Видео) Украинците нападнаа една од најголемите руски рафинерии

Avatar
Објавено на

Украинските сили рано утринава ја нападнаа нафтената рафинерија Новокуибишевск во руската област Ростов, објави на Телеграм шефот на Центарот за спротивставување на дезинформации при Националниот совет за национална безбедност и одбрана Андреј Коваленко, а пренесува Укринформ.

Како што се дознава, рафинеријата има годишен капацитет од 8,8 милиони тони, што ја прави една од десетте најголеми такви капацитети во Русија.

Објектот произведува широк спектар на нафтени продукти, вклучително и бензин, дизел гориво и масло за греење, од кои сите се критично важни за транспортот и воената опрема, истакна Коваленко. Тој додаде дека објектот е од стратешко значење за руската војска бидејќи обезбедува стабилно снабдување со гориво за континуираните воени напори против Украина.

Како што претходно објави Укринформ, во раните утрински часови во саботата, 8 март, беспилотни летала управувани од украинското одбранбено разузнавање го нападнаа претпријатието Киришнефтеоргсинтез во руската област Ленинград.

Поврзани вести преку ознаки:,

Прочитајте и:

На почеток