Силен земјотрес со интензитет од 5,8 степени според Рихтеровата скала го стресе западниот брег на Турција одземајќи најмалку еден живот.
Според сеизмолозите епицентарот на земјотресот бил во близина на туристичкото место Мармарис, на само неколку километри од грчкиот остров Родос.
C6lOOMUAeq8
Според Турската агенција за цивилна заштита, земјитресот бил во 2:17 утрово.
Гувернерот Идриз Акбијик извести дека 14-годишно девојче било однесено во болница, каде што починало кратко потоа.
69 луѓе скокнале од прозорците на своите домови за време на земјотресот, при што се здобиле со повреди.
Според турскиот министер за внатрешни работи Али Јерликаја досега нема извештаи за штети на станбени објекти во Мармарис каде што има многу туристи.
