(Видео) Ова е Киев ноќеска, погодена е породилна болница во Одеса; Кличко: „Извршен е масовен напад“
Русија изврши „масовен“ напад со беспилотни летала врз украинската престолнина, изјави градоначалникот на Киев, Виталиј Кличко. Во Одеса, погодена е и породилната болница.
Според гувернерот Олег Кипер, напад со беспилотни летала во Одеса погодил медицински установи и станбени згради, при што загинал 59-годишен маж, а четворица други биле повредени. Тој го објавил ова на Телеграм, јавува Би-Би-Си.
Во Киев, службите за итни случаи биле повикани во четири градски области кратко по полноќ во вторник, изјави Кличко, исто така преку Телеграм.
In Kyiv, there are fires in almost all areas of the city.
There's a lot of destruction and damage.
Russian bastards continue to target civilians.
2/4 pic.twitter.com/JJlk3QGOYo
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweet4Anna_NAFO) June 10, 2025
Најновите напади се случија откако Русија го изврши најголемиот напад со беспилотни летала врз Украина еден ден претходно. Москва потоа тврдеше дека тоа е одмазда за неодамнешните украински напади врз руска територија.
Kyiv under massive attack for the past 4 hours, largest attack of the war.
Apartment buildings are burning all over the city.
Dead and wounded. pic.twitter.com/r90xgOpBPu
— Kyiv Insider (@KyivInsider) June 10, 2025
По тајната украинска операција со беспилотни летала наречена „Операција Пајажина“, која на 1 јуни ги погоди руските воени бази длабоко на руска територија, американскиот претседател Доналд Трамп го повика Владимир Путин. Трамп рече дека рускиот претседател најавил „многу силен“ одговор на овие напади.
Во раните зори во вторник, воздушните тревоги беа активни низ поголемиот дел од Украина, покажаа официјалните мапи на воздушната одбрана, вклучувајќи ги и регионите Донецк, Луганск и Харков на истокот од земјата.
„Останете во засолништата! Масовниот напад врз главниот град продолжува“, предупреди градоначалникот Кличко на Телеграм.
Шефот на воената администрација на градот Киев, Тимур Ткаченко, објави дека нападите врз различни градски области биле извршени „истовремено“.
Morning in Kyiv…
Shattered apartments, mangled cars, displaced families, lives torn apart.
This is the brutal reality of having Russia as a neighbor. pic.twitter.com/RO5q3F8WgM
— Natalka (@NatalkaKyiv) June 10, 2025
Остатоци од соборените беспилотни летала паднаа врз неколку згради низ градот, а пожари избувнаа во станбена зграда и магацини, додаде тој.
Во Одеса, пациентите и персоналот успеаја да ја евакуираат погодената медицинска станица и породилното одделение, но неколку амбулантни возила беа оштетени, рече гувернерот Кипер. Ранетите добиваат медицинска помош.
Maybe the biggest-ever attack on Kyiv. Constant humming of drones. Sky is thick with smoke. Every few minutes another explosion rings out. pic.twitter.com/y9nL7bSItv
— Audrey MacAlpine (@MacalpineAudrey) June 10, 2025
Идентитетот на 59-годишникот кој почина сè уште не е објавен.
Нападот се случува пред размената на затвореници што започна во понеделник. Размената вклучува сериозно ранети и болни воени затвореници, лица под 25 години, како и телата на околу 12.000 загинати војници.
Украинскиот претседател Володимир Зеленски рече дека размената ќе се одвива „во неколку фази“, опишувајќи го како „сложен“ процес со „многу чувствителни детали“.
Рускиот претседател Владимир Путин започна целосна инвазија на Украина во 2022 година.
