Фудбалската репрезентација на Македонија денеска го игра дуелот од 4.коло од групата Д од Лигата на Нациите. Нашиот национален тим гостува во Ереван кај Ерменија, селекција која пред еден месец ја победивме во Скопје со 2:0. Избраниците на селекторот Игор Ангеловски се во серија од десет натпревари без пораз – шест победи и четири нерешени, а последниот пораз беше во Скопје од Шпанија со 2:1 на 11.јуни 2017 година или Македонија нема пораз 492 дена.
