Опасни СМС пораки кружат меѓу граѓаните – МВР предупредува дека станува збор за криминалци!

Секторот за компјутерски криминал при Министерството за внатрешни работи, ги информира граѓаните дека во изминатиот период се забележани зголемен број случаи на испраќање лажни SMS пораки кои лажно се претставуваат во име на телекомуникациски оператори.

— реклама —

„Овие пораки содржат линкови до лажно дизајнирани веб – страници со цел да ве наведат да внесете лични или финансиски податоци, кои потоа можат да бидат злоупотребени од страна на криминални групи.

— реклама —

Апелираме до сите граѓани да бидат крајно внимателни и да постапуваат одговорно”, велат од МВР и апелираат:

• Не отворајте линкови од сомнителни испраќачи;

— реклама —

• Не внесувајте лични податоци на непроверени страници;

• Не одговарајте на вакви пораки;

• Пријавете го случајот во најблиската полициска станица;

• Блокирајте го бројот на испраќачот.

Секторот за компјутерски криминал при Министерството за внатрешни работи активно презема мерки и води постапки во врска со вакви измами.