Македонската ракометна селекција во рамки на квалификацискиот меч за пласман на ЕП 2020 на гостински терен славеше против Исланд со 33-34. Разочарувањето кај домаќините беше големо, по што нивното крило Арнор Гунарсон изјави:
„Нивниот пикер (Стоилов) сигурно има околу 140 килограми, па кога ќе прими топка е невозможно да се чува. Нашата лоша одбрана вечерва беше кобна. Иако знаеме дека ќе биде тешко одиме по реванш и победа во Скопје“, изјави Гунарсон.
По оваа изјава нашиот репрезентативец си се пошегува на своја сметка. Тој на социјалните мрежи ја сподели статијата на Gol.mk со модифицирана слика со што се пошегува и му одговори на противникот.
