По денешната објавена снимка од страна на италијанскиот весник, социјалните мрежи „вријат“ со реакции за содржината. Во еден дел од снимката се слуша и гласот на обвинителката Катица Јанева, која вели „Не се секирај, ќе биде се океј“, додека од другата страна на телефонот е Орце Камчев.
Токму оваа реченица беше повод за низа монтажи кои оддекнаа на социјалните мрежи, а меѓу која е и песната „Ќе биде се во ред“, која доби нов спот, овој пат во него главни актери се Катица Јанева, Боки 13 и Орце Камчев.
Вториот микс со гласот на Катица Јанева, а каде како придружен вокал се појавува Боки 13 со реченицата „Те поздрави женава“ е објавен под името „ХИТ 2019“.
