Воздухопловниот ВИНГ на Армијата денеска беше ангажиран во гаснењето на активниот пожар во атарот на скопското село Грачани, со хеликоптер Ми-8МТ кој обезбеди директна воздушна поддршка за силите на терен.
Хеликоптерот во текот на тричасовниот ангажман реализираше повеќе летови и изврши вкупно 14 прецизни исфрлања на вода врз критичните точки од пожарот.
При интервенцијата биле истурени вкупно 28 тони вода, а воздушното дејствување било насочено кон најкритичните делови од огнената стихија, со цел да се спречи нејзиното понатамошно ширење.
Од Армијата посочуваат дека воздушната поддршка е обезбедена во услови на активен пожар и била насочена кон поддршка на силите кои се борат со огнот на терен.
