Армијата со венец пред споменикот на Светите Кирил и Методиј во Охрид

Делегација на Армијата на Македонија, предводена од началникот на Генералштабот, генерал-мајор Сашко Лафчиски, денеска во Охрид учествуваше на одбележувањето на празникот на Светите рамноапостоли Кирил и Методиј.

— реклама —

Од Армијата соопштија дека делегацијата, на покана на претседателот на Владата, положила венец со свежо цвеќе пред споменикот на „Св. Кирил и Методиј“ на кејот во Охрид.

— реклама —

— реклама —

„Со положување венец со свежо цвеќе пред споменикот на ‘Св. Кирил и Методиј’ на кејот во Охрид, делегацијата на Армијата оддаде почит и признание кон делото на Светите Кирил и Методиј, кои се творци на писменоста и културата“, информираа од Армијата.

Во соопштението се наведува дека нивното наследство и денес претставува симбол на знаење, културен напредок и духовно богатство.

— реклама —

Во рамки на одбележувањето на празникот, армиската делегација присуствувала и на свечената церемонија „Од слово до вечност“, која се одржала во црквата „Света Софија“ во Охрид.