Таа изјава е производот на тајните средби на Ковачевски и Арсовска во владата, смета Драган Ковачки член на ИК на ВМРО-ДПМНЕ, одговарајќи на новинарско прашање како ја коментира изјавата на Арсовска за наводни закани од страна на претседателот на ВМРО-ДПМНЕ Христијан Мицкоски.
Ковачки вели дека доколку имало закани, Арсовска требало истите да ги пријави кај надлежните органи, порачувајќи и дека можеби треба да си ја провери деловната способност, како и да побара стручна помош бидејќи како што рече да кажува работи кои никогаш не се случиле тогаш тоа е резултат на други состојби.
Доколку имало такво нешто, таа требала веднаш да го пријави кај надлежните институции. Но, очигледно е дека секогаш кога Ковачевски ќе биде фатен во криминал, кога гледаме дека неговата сопруга влегува во бизниси за производство на струја, тогаш се вадат вакви лаги и манипулации. Мислам дека Данела Арсовска треба да биде менаџер како што тоа го ветуваше на граѓаните, а не да ја манипулира јавноста, потенцираше тој.
Ценам дека во овој момент треба да си ја провери деловната способност, дури и да побара стручна помош доколку цени, затоа што мислам дека за да се зборува за такви работи кои што никогаш не се случиле мислам дека се граничат со некои други состојби, рече Ковачки.