Независниот кандидат за градоначалник на Скопје, Данела Арсовска смета дека против неа се води црна кампања од претходниот градоначалник Петре Шилегов, се прават конструкции и се пласираат лаги, за да не се дискутира за него кој како што рече, го крадел буџетот три години.
„Би ви била благодарна ако не потпаѓате на политички лаги и манипулации. Немам намера да се пуштам во политички игри на докажување. Тие се политички лаги и манипулации со кои граѓаните нема да дискутираат за овој што крадеше три буџети, туку за мене, која немам никаква дамка“, рече Арсовска.
Таа посочи дека немало да се кандидира на изборите, ако имала црна дамка во минатото.
„Со манипулации се сечат нашите изјави тука, се пуштаат по медиумите. Јас своето го кажав уште во истата минута кога излегоа да ги испратат овие лаги до медиумите. Јас кажав каде ќе ја побарам правдата за ова што го прават на два дена пред избори? Од првиот ден до денешниот ден се води црна кампања на профилот каде градоначалникот треба да си ги претставува своите проекти. Сакаат да се зборува за теми за да се скрие тоа што го крадеа буџетот четири години. Ако јас сум имала дамка немало тоа да изелзе на два дена пред избори или јас да одам на избори за да се води црна кампања против мене“, додаде Арсовска.
