Авионот со македонската фудбалска репрезентација принудно се вратил назад во Истанбул по само 20 минути лет

Патувањето на македонската фудбалска репрезентација кон Скопје беше прекинато само дваесетина минути по полетувањето од Истанбул, кога авионот бил принуден да се врати назад поради технички проблем.

— реклама —

Македонската фудбалска репрезентација се враќаше од Истанбул, каде што синоќа го одигра пријателскиот натпревар против Турција.

Според првичните информации, чартер авионот со кој патувале фудбалерите и членовите на делегацијата бил принуден да се врати на аеродромот во Истанбул само дваесетина минути по полетувањето.

— реклама —

Неофицијално, причината за враќањето е технички проблем на леталото, поради што пилотите одлучиле, од безбедносни причини, да се вратат на аеродромот од каде што полетале.

— реклама —

Авионот требаше да пристигне на Меѓународниот аеродром во Скопје околу 13:30 часот, но поради настанатата ситуација дојде до доцнење во патувањето.

Засега нема официјално соопштение од надлежните служби или од Фудбалската федерација на Македонија за причините и за понатамошните чекори, а повеќе информации се очекуваат во текот на денот.

— реклама —

Според првичните сознанија, сите патници се безбедни и нема информации за повредени или други инциденти.