Град Скопје ги извести граѓаните дека на 1 и 2 јуни 2026 година, во раните утрински часови, ќе се спроведе авионска дезинсекција против возрасни форми на комарци на подрачјето на главниот град.
Од Градот информираат дека доколку временските услови не дозволат реализирање на дезинсекцијата во предвидениот термин, прскањето ќе биде извршено првиот нареден ден кога условите ќе бидат поволни, во истиот временски период.
Воедно, надлежните апелираат до пчеларите навремено да ги преземат сите неопходни мерки за заштита на пчелите.
