АВМУ: Забрането објавување анкети, изборен молк од 4 мај

Агенцијата за аудио и аудиовизуелни медиумски услуги ги потсетува радиодифузерите дека согласно Изборниот законик, од денеска не може да се објавуваат резултати од испитувања на јавното мислење поврзани со учесниците во изборниот процес.

— реклама —

Агенцијата потсетува дека изборниот молк почнува од полноќ на 4 мај 2019 година (сабота) и завршува со затворањето на гласачките места во 19 часот на 5 мај 2019 година.

— реклама —

— реклама —

За време на изборниот молк, престануваат сите облици на изборно медиумско претставување на учесниците во изборната кампања.

— реклама —

Радиодифузерите, потенцираат од АВМУ, продолжуваат да известуваат за активностите на Државната изборна комисија и за изборниот процес на денот на гласањето, но не смеат да објавуваат какви било информации, фотографии, аудио и аудио-визуелни материјали поврзани со или во кои учествуваат учесници во изборите, какви било облици на медиумско известување кои се отворено или прикриено во функција на нечија изборна кампања и можат да влијаат врз одлуката на избирачите, податоци со кои го откриваат идентитетот на политичките субјекти и/или на поединци вклучени во инциденти или други неправилности на денот на гласањето како и изјави од кандидати во изборниот процес, од учесниците во изборна кампања, од претставници на политички партии, и од носители на функции во органите на власта.