Автобус и „мерцедес“ се судрија пред клучката Приштина, има повредени

Седумдесет и седумгодишен возач е тешко повреден во сообраќајна несреќа меѓу автобус и автомобил „мерцедес“, која вчера попладне се случила на скопската обиколница, пред клучката Приштина. Во несреќата е повреден и 31-годишен патник од автобусот.

— реклама —

Според информациите од Министерството за внатрешни работи, несреќата била пријавена на 20 октомври 2026 година, околу 17 часот, во СВР Скопје.

Во судирот учествувале автобус со косовски регистарски ознаки, управуван од Б.М. (68) од Гостивар, и патничко возило „мерцедес“, исто така со косовски регистарски ознаки, управувано од М.И. (77) од Косово.

— реклама —

„Во несреќата со тешки телесни повреди се здобил 77-годишниот возач на патничкото возило, додека со телесни повреди се здобил патникот од автобусот С.У.Б. (31) од Гостивар“, информираат од МВР.

— реклама —

Повредите биле констатирани во Градската општа болница „8 Септември“ и во Комплексот клиники „Мајка Тереза“ во Скопје.

На местото на несреќата увид извршила екипа на СВР Скопје.

— реклама —

Засега не се соопштени причините за судирот, ниту околностите под кои дошло до несреќата.