Автобус излетал и се превртел во Турција: Еден загинат и 40 повредени

Едно лице загина, а 40 патници се повредени откако автобус се превртел на автопатот Каман–Анкара, во близина на турскиот град Кириккале.

Според турската агенција „Анадолија“, несреќата се случила кога возачот изгубил контрола над автобусот, по што возилото излетало од патот и се превртело. Во несреќата животот го загубил 92-годишен патник.

— реклама —

Повредените со возила на Итната медицинска помош биле пренесени во околните болници, каде што им се укажува лекарска помош.

— реклама —

На местото на несреќата интервенирале екипи на Управата за управување со катастрофи и вонредни состојби (AFAD), противпожарната служба, Итната медицинска помош, жандармеријата и полицијата.

Гувернерот на Кириккале, Мехмет Максут Сарибрахим, изјавил дека коловозот бил лизгав поради утринскиот мраз, што, според првичните информации, е причина за несреќата.

— реклама —

„Патот беше лизгав поради првиот утрински мраз. Несреќата се случи поради лизгавиот коловоз. Уште еднаш се потврдува дека сите патници во автобусите треба да користат сигурносен појас“, изјавил Сарибрахим.

Тој додал дека возачот на автобусот е приведен, а надлежните институции спроведуваат истрага за утврдување на сите околности под кои се случила несреќата.

— реклама —