Автоматска пушка и 110 куршуми пронајдени при претрес во дом во Гостивар, уапсен 69-годишник

Полициски службеници од ОВР Гостивар на 6 октомври го лишиле од слобода 69-годишниот У.Р. од Гостивар, откако при претрес во неговиот дом и помошните простории била пронајдена поголема количина оружје и муниција.

— реклама —

Претресот бил извршен врз основа на судска наредба, при што полицијата пронашла и одзела автоматска пушка со рамка со шест куршуми калибар 7,65 милиметри, како и уште една рамка со 17 куршуми од истиот калибар.

— реклама —

— реклама —

Во просториите биле пронајдени и повеќе кутии со вкупно 110 куршуми од различен калибар.

— реклама —

У.Р. бил задржан во полициска станица. Од МВР информираат дека по целосното документирање на случајот против него ќе следува соодветен поднесок.