СВР Скопје поднесе кривична пријава против И.А. (57) од Скопје поради сомнение дека сторил кривично дело „неовластено изработување, држење, посредување и тргување со оружје или распрскувачки материи“.
Како што информира Министерството за внатрешни работи, на 12 мај 2026 година полициски службеници извршиле претрес во домот на пријавениот, при што биле пронајдени и одземени автоматска пушка со калибар 7,62 милиметри, две рамки и 25 куршуми од истиот калибар.
По преземените мерки и активности и документирањето на случајот, против 57-годишниот скопјанец е поднесена соодветна кривична пријава до надлежното обвинителство.
Од МВР информираат дека продолжуваат активностите за спречување и откривање на нелегално поседување и трговија со оружје.
