Патничко возило „форд фокус“ со кочански регистарски ознаки било опожарено во Кочани, информираат од Министерството за внатрешни работи.
Според МВР, случајот бил пријавен на 2 август во 10:45 часот во ОВР Кочани. Возилото е сопственост на 54-годишниот З.Д.
Пожарот бил изгаснат од екипа на Територијалната противпожарна единица – Кочани, а во настанот нема повредени лица.
Полициски екипи извршиле увид на местото, а се преземаат мерки за целосно расчистување на случајот.
