Автомобил излетал од патот во Тетово и удрил во работник: еден тешко повреден

Три лица се повредени во сообраќајна несреќа што вчера попладне се случила на булеварот „Видое Смилевски Бато“ во Тетово, при што едно лице се здобило со тешки телесни повреди.

— реклама —

Според информациите од МВР, несреќата била пријавена во 17:50 часот. Возило „опел корса“ со тетовски регистарски ознаки, управувано од 20-годишниот А.С. од селото Слатино, излетало од коловозот и удрило во 67-годишниот И.Љ. од Тетово.

— реклама —

Повредениот во моментот на несреќата извршувал работни задачи во плац на правен субјект од Тетово.

— реклама —

Во несреќата И.Љ. се здобил со тешки телесни повреди, додека возачот на автомобилот и неговиот 19-годишен сопатник Е.И., исто така од Слатино, се здобиле со телесни повреди. Повредите биле констатирани во болницата во Тетово.

— реклама —

Увид на местото на несреќата извршила увидна екипа на СВР Тетово.